Դավիթ Անանյան

Կենսագրական տվյալներ

Ծնվել է 1971 թ․ հոկտեմբերի 10-ին Երևանում։

Կրթություն, գիտական կոչում, անդամակցություն

1993 թ․ ավարտել է Երևանի ժողովրդական տնտեսության ինստիտուտի Ֆինանսահաշվային ֆակուլտետը, մասնագիտացումը՝ «Ֆինանսներ և վարկ»։

Ունի տնտեսագիտության թեկնածուի գիտական կոչում։

Հանդիսանում է Հայաստանի աուդիտորների և փորձագետ հաշվապահների պալատի անդամ, որակավորված աուդիտոր։

Ունի ՀՀ հարկային ծառայության պետական խորհրդականի աստիճան։

Աշխատանքային գործունեություն

1993-2000 թթ․ աշխատել է ՀՀ հարկային պետական տեսչությունում (ՀՀ պետական եկամուտների նախարարությունում)՝ զբաղեցնելով տարբեր պաշտոններ՝ հարկային պետական տեսուչից մինչև հարկերի հաշվառման բաժնի պետ։

2000- 2006 թթ. աշխատել է «Քեյ-Փի-Էմ-Ջի Արմենիա» ՓԲԸ-ում որպես հարկային խորհրդատու, հարկային մենեջերի օգնական, հարկային մենեջեր, այնուհետև ավագ մենեջեր՝ հարկային և իրավաբանական բաժնի ղեկավար։

2004-2015 թթ․  դասավանդել է ՀՀ տարբեր բուհերում և ուսումնական հաստատություններում՝ «Հայաստանում ֆրանսիական համալսարան» հիմնադրամում, «Հաշվապահների ուսուցման միջազգային կենտրոն» հիմնադրամում, Երևանի պետական համալսարանում։

2006-2016 թթ․ հանդիսացել է «Փի-Էյջ-Փի Փարթնըրզ» ՓԲԸ հիմնադիր գործընկեր՝ զբաղեցնելով հարկային ծառայությունների ղեկավարի պաշտոնը։

2008-2013 թթ․ մասնակցել է հաշ­վե­­գրման հիմունքով Հան­րային հատվածի հաշ­վա­պա­­հա­կան հաշվառման միջազգային ստան­դարտ­ների թարգմանու­թյան ու խմբա­­գրման, ինչպես նաև դրանց հիման վրա ՀՀ հանրային հատվածի հաշ­վա­պա­հական հաշվառման ստանդարտի և նոր համա­կարգի ներդրման համար անհրա­ժեշտ այլ իրավական ակտերի նախագծերի մշակման աշխատանքն­երին, որպես փորձագետ։

2009-2010 թթ․ որպես փորձագետ մասնակցել է ՖՀՄՍ-ների և ՓՄԿ-ների ՖՀՄՍ-ի թարգմանության, խմբագրման և տեղայնացման աշխատանքներին։

2015- 2016 թթ. Ղրղզստանի Հանրապետության հանրային հատվածի հաշվապահական հաշվառման բարեփոխումների ծրագրի շրջանակներում ներգրավված է եղել որպես Համաշխարհային բանկի միջազգային ավագ խորհրդատու։

2016-2018 թթ․ զբաղեցրել է ՀՀ ֆինանսների նախարարի տեղակալի պաշտոնը։

2018-2020 թթ․ զբաղեցրել է ՀՀ պետական եկամուտների կոմիտեի նախագահի պաշտոնը։

2020թ. մինչ օրս  աշխատում է «Դի-Էս-Էյ խորհրդատվական խումբ» ՓԲԸ-ում՝ որպես գլխավոր տնօրեն։

2020-2025 թթ․ դասավանդել է Հայ-ռուսական սլավոնական համալսարանում, առարկան՝ «Հարկաբյուջետային քաղաքականություն»։

Այլ տվյալներ
Տիրապետում է անգլերեն և ռուսերեն լեզուներին։

Ամուսնացած է, ունի երեք զավակ։