Արման Թաթոյանն առաջարկում է Մադինան դարձնել տուրիստական կենտրոն

«Արմաղան սարը բացառիկ վայր է։ Մեր երկրում մատների վրա կարող են հաշվել այսպիսի հրաշալի վայրեր, որտեղ կա լեռ, լեռնային լիճ, եկեղեցի։ Գետն էլ գնում է, կարելի է ձուկ աճեցնել»,- Մադինայի բնակիչների հետ հանդիպման ժամանակ ասել է Արման Թաթոյանը։

Ծանոթ լինելով հայրենի մարզի բնակավայրերի առանձնահատկություններին՝ Արման Թաթոյանը վստահ է, որ ենթակառուցվածքները զարգացնելու և գովազդային թիրախային արշավի դեպքում Մադինան զբոսաշրջիկներին կգրավի ամբողջ տարվա ընթացքում․ ամռանը զով է, ձմռանը՝ ձնառատ։

«Այնքան ձյուն է գալիս, ճանապարհները փակվում են։ Մենք դրանից ոչ թե պիտի վախենանք, այլ օգտագործենք մեր շահերի համար, դահուկային սպորտ զարգացնենք։ Ես անցած տարի եմ եղել այնտեղ։ Արմաղանը տուրիսատական վայր դարձնելուց հետո Մադինան դառնում է հանգույց։ Սար բարձրացողը իջնելու է գյուղի հյուրատներում մնա, երկու օր մնալու է, հանգստանա, բարձրանա վերև, նորից իջնի»,-ասել է Արման Թաթոյանը։

Մադինայի բնակիչները ևս համոզմունք են հայտնել, որ բնակավայրի զարգացման համար զբոսաշրջությունը կարող է դառնալ լավագույն միջոցներից մեկը։

Մանրամասները՝ տեսանյութում https://shorturl.at/5jP4E