«Միասնության թևերը» ներկայացրեց քաղաքական ծրագիրը

Տնտեսական ծրագրի հիմնական դրույթները ներկայացրեց տնտեսագետ, «Միասնության թևեր» քաղաքական նախաձեռնության համահիմնադիր Դավիթ Անանյանը՝ անդրադառնալով երկրի տնտեսական զարգացման, ներդրումային միջավայրի բարելավման և սոցիալ-տնտեսական խնդիրների լուծման ուղղություններին։


Պետական կառավարման, դատաիրավական և ընտրական համակարգերի բարեփոխումների վերաբերյալ խոսեց «Միասնության թևեր» քաղաքական նախաձեռնության անդամ Լիպարիտ Դրմեյանը՝ շեշտադրելով արդյունավետ կառավարման համակարգի ձևավորման և ինստիտուցիոնալ բարեփոխումների անհրաժեշտությունը։


Կրթության ոլորտում նախատեսվող փոփոխությունների մասին ներկայացմամբ հանդես եկավ մանկավարժ, «Միասնության թևեր» քաղաքական նախաձեռնության անդամ Լալա Աբգարյանը՝ խոսելով կրթական համակարգի արդիականացման և զարգացման առաջնահերթությունների մասին։

«Շանթ դաշինքի» տեսլականը մեր երկրի ապագայի վերաբերյալ ներկայացրեց կուսակցության նախագահ Շահեն Հարությունյանը։


Նախաձեռնության հիմնադիր և ղեկավար Արման Թաթոյանն անդրադարձավ վարչապետի թեկնածու առաջադրվելու իր հիմնական նպատակին, իրական և կայուն խաղաղության հաստատմանը, ինչպես նաև երկրի անվտանգությանը և պետականության ամրապնդմանը։


Միջոցառմանը ներկա էին բազմաթիվ հյուրեր, հասարակական և քաղաքական շրջանակների ներկայացուցիչներ։