Շիրակի մարզի առաջին գրասենյակը՝ Գյումրիում

Իր խոսքում Արման Թաթոյանը նշեց․ «Մարդը, երբ տուն է գնում, առաջինը ապահով դուռ է դնում, որպեսզի կարողանա հանգիստ ապրել իր տանը։ Եթե դուռը ապահով չէ, այդ տան մեջ ապրել հնարավոր չէ։ Նույնն էլ մեր երկրի դեպքում է․ մենք պետք է մեր սահմանները անառիկ պահենք»։

Շահեն Հարությունյանը ընդգծեց․ «Պետք է թույլ չտանք ջնջել մեր ազգային արժեքներն ու դիմագիծը։ Արդեն հասել են մեր անկախությանն ու Անկախության հռչակագրին, առանց որոնց կարող ենք կորցնել այն պետությունը, որը դժվարությամբ ձեռք ենք բերել և պահպանել տարիների ընթացքում»։

Լևոն Չուկակլյանը՝ որպես երիտասարդական շարժման ներկայացուցիչ, իր խոսքն ուղղեց հատկապես գյումրեցի երիտասարդներին՝ նշելով, որ
«Միասնության թևերը» ներգրավել է կոմպետենտ և կարող մարդկանց, ովքեր ունակ են երկիրը հասցնելու անվտանգության և կայուն զարգացման նոր մակարդակի։

Միջոցառումից հետո թիմը շրջեց Գյումրի քաղաքում, այցելեց Սուրբ Ամենափրկիչ եկեղեցի և Ասլամազյան քույրերի պատկերասրահ։