Ազդարարվեց «Միասնության թևեր» նախաձեռնության մուտքը քաղաքական դաշտ

Նախաձեռնության ղեկավար Արման Թաթոյանը հանդես եկավ ծավալուն ելույթ՝ խոսելով քաղաքական միավորի ստեղծման անհրաժեշտության, առաջիկա ծրագրերի և 2026 թ․խորհրդարանի ընտրությունների մասնակցելու մտադրության մասին։

«Միասնության թևերը նշանակում է, որ մենք պետք է իրար թև ու թիկունք լինենք, նայենք առաջ ու իրար վեր բարձրացնենք։ Այն նաև նշանակում է հայ ժողովրդի միասնություն և համերաշխություն աշխարհում, Հայաստանում և Սփյուռքում»,- բացման խոսքում հայտարարեց նախաձեռնության հեղինակը։

Միջոցառմանը ելույթ ունեցան նաև նախաձեռնության համահիմնադիր Դավիթ Անանյանը, նախաձեռնության անդամներ Լուսինե Ղազարյանը և Մհեր Մեհրաբյանը։

Հանդիսավոր հատվածի ավարտից հետո Արման Թաթոյանը հանդես եկավ մամուլի ասուլիսով և պատասխանեց լրագրողների հարցերին։